texto/ la poésie des ex-îlés

M ap ekri yon liv an kreyòl
M ap ekri pou ou
Pou tout moun ou te renmen
M a voye l Lamatinik
M a voye l La gwadloup
Voye l Lagiyàn
Voye l Lil Moris pou yo li l
M a voye l Lalwizyàn tou
M a li l nan radya pou tout moun tande
M ap ekri yon liv nan lang pa m
Mesye a yo mèt ri
M konn sa m ap fè
M gen 2 ou 3 bagay pou m di
M gen yon koze pou m koze Ak moun pa m

Kristyan Bolye o » (« Ô Christian Beaulieu ») est un poème extrait du premier recueil de Félix Morisseau-Leroy, Diacoute I (1953).
Notes: Nous publions ce texte pour rendre homage a Felix Morisseau Leroy, a l'occasion du dixieme anniversaire de sa mort.

Distans

Map mache pye atè

toutouni nan riyèl kè w

tout santye

mennen m yon sèl kote

de pla men w

se la m jwenn

solèy leve msere liben m

pale pale

mache bouske pi devan

sa demen sere pou nouse mistè

mwa d desanmgen yon fredi k antre

jouk nan sèvo m

tonton nwèl bliye m

m lonje menm tout longè

eseye fè l janbe fwontyèwè

si pwent dwèt nou

te ka touche

pase kouranfè

san n mache

mwen voye kè m ba ou

ou voye pa w ban mwen

yo ret kwoke nan wout

fredi lamerik dinò

fè yo tounen glas

yon vè wonm

jan m renmen l layon ti kout fil

nan mitan lanwit

de twa ti mo

ki fè m frèt fè m cho

ki reveye dènye sans mwen

pasyon mwen

anvi mwen

rèv mwen

sansasyon mwen

panse malelve mwen

yon distans lan mitan nou

kè nou kondane

lanmou fè jeretyen

Jeanie Bogart

Poetesse et diseuse, Jeanie Bogart est l'un des lauréats de la 1ère édition du Concours de Poésie en Langue Créole de la Caraïbe Prix Gilbert Gratiant organisée par l'association KALBAS LÒ LAKARAYIB (KL2).

Gade’w


Chak fwa mwen we’w
Yon bagay
Di’m gade’w

Alò, mwen tonbe gade’w
Kòm si se premye fwa
Mwen we’w

Mwen gade’w
Ak tandrès
Mwen gade’w
Ak apeti

A fòs mwen gade’w
Yon bagay di’m touche’w
Se domag ke men’m
Pi kout ke je’m

Roosevelt Boncoeur

Texte inédit (Aout 2008) tous drois réservés